La bone arive su l’emplla de l’Institut du Galo

L’Institut du Galo a devocion d’eblucer le galo, la langue romane de la Bertègn, q’ét caozée den catr su cinc des departements de la Bertègn istoriqe, l’Ile-et-Vilaine, les Côtes d’Ahaot de soulaire, le Morbihan de soulaire, e la Louére-de-Bertègn. Ses missions en permieretë sont de :

Animer la Chârte « du Galo, dame Yan, dame Vére ! »

La Chârte ét un afutiao levë par l’Institut du Galo a sour fin d’aïder l’uzaije de la langue galéze den les aguerouées de payiz, les enterprinzes et les consorteries. La Chârte-la derce un nombr d’engaijements possibl. La cadr hardi l’ouvraije e la amene de méme és signous toute la savancetë de l’Institut du Galo.

Egâiller l’ensegnement e la formézon en galo

L’Institut du Galo aïde a l’ensegnement de la langue galéze den les ecoles en lou donant la main long le temp de la minze en pllace de lous projits. Il enraye e poursieut les formézons pour le grand monde q’ont devocion d’uzaijer la langue den lou vie du tout l’jou ou ben a lour ouvraije.

Parchomer un service pour tourner en galo

Le service-la a citrape d’aïder és aguerouées de payiz, les qemunes, les enterprinzes e les consorteries pour engalozer le tout l’jou e lou banissaije. I tarvâille etout pour concrayer des afutiaos langaijiérs e terminolojiqes, parai come un motier su la taile, ou ben core pour qe le galo seraet aféçonë ao monde d’asteure.