” Le parlement rejiona ét un meta ensegnë durant l’ouriere normale des ecoles, eblucoteries e ecoles permieres. L’ensegnement-la vaot pour le baqse, le berton, le catalan, le corse, le qeriole, le galo…”

14 du maez de delaire, BO Eblucerie Nacionale

Ao jou d’anet, ét 1500 ebluçons d’ecoles permieres qi sont deja den la rouétée Admézë. En pus d’ela, le galo ét ensegnë come ensegnement de chouéz den 7 colaijes (Bron, Merdrigna, Piémë, Pllenée, Bouin, Saint-Min e Ghè) e 1 licë (Bouin). 19 poûssous apernent le galo a la Haote-Ecole de Rene 2 etout. 

Anet, l’ensegnement du galo den les ecoles permieres, ‘la q’ét de l’agagnement ou de la goûterie den les cllâsses. A tarvâiller o les instiqhucions, j’alons pouair mettr a cretr l’ensegnement-la e forci la rouétée q’a deja un nom : Admézë, o l’idée qe châqe ecole poura chouézi son livè d’ensegnement a yelle.